కీవ్‌పై రష్యా వైమానిక దాడులు

ఉక్రెయిన్ రాజధాని కీవ్‌పై రష్యా బుధవారం తెల్లవారుజామున వైమానిక దాడులు చేసింది. ఈ దాడుల్లో ఒకరు మృతి చెందగా, 24 మంది గాయపడినట్లు స్థానిక అధికారులు తెలిపారు. దాడులతో పలు ప్రాంతాల్లో భవనాలు దెబ్బతినడంతో పాటు గోదాముల్లో అగ్నిప్రమాదాలు సంభవించాయి. శిథిలాల కింద చిక్కుకున్న వారి కోసం సహాయక చర్యలు కొనసాగుతున్నాయని అధికారులు వెల్లడించారు.