ఆర్టీసీ ఉద్యోగులకు 11 శాతం ఫిట్‌మెంట్ పెంపు

ఆర్టీసీ ఉద్యోగులకు జూలై 1 నుంచి 11 శాతం ఫిట్‌మెంట్‌ అమలు చేస్తున్నట్లు మంత్రి పొన్నం ప్రభాకర్ ప్రకటించారు. సమ్మె సందర్భంగా ఇచ్చిన హామీని నెరవేరుస్తూ, గుర్తింపు సంఘాల ఎన్నికల ప్రక్రియను ప్రారంభించాలని అధికారులను ఆదేశించారు. రాష్ట్రవ్యాప్తంగా బస్ డిపోలు, స్టేషన్ల నిర్మాణ పనులను వేగవంతం చేయాలని ఆయన సూచించారు. వేములవాడ, కథలాపూర్ వంటి ప్రాంతాల్లో కొత్త బస్ స్టేషన్లకు త్వరలోనే శంకుస్థాపనలు నిర్వహించనున్నట్లు మంత్రి ఈ సందర్భంగా వెల్లడించారు.