రంజీలో మెరిసిన అభిరథ్‌, రాహుల్‌

పంజాబ్‌తో రంజీ ట్రోఫీ మ్యాచ్‌లో హైదరాబాద్‌ బ్యాటర్లు అభిరథ్‌ రెడ్డి, రాహుల్‌ రాదేశ్‌ రాణించారు. రెండో రోజు ఆట ముగిసే సమయానికి హైదరాబాద్‌ తొలి ఇన్నింగ్స్‌లో 2 వికెట్లకు 193 పరుగులు చేసింది. అభిరథ్‌ 97 పరుగులు చేసి శతకానికి మూడు పరుగుల దూరంలో ఔటయ్యాడు. రాహుల్‌ 72 పరుగులతో క్రీజులో ఉన్నాడు. అంతకుముందు పంజాబ్‌ తొలి ఇన్నింగ్స్‌లో 431 పరుగులకు ఆలౌటైంది. సలీల్‌ అరోరా 151 పరుగులతో రాణించాడు.