పెరగనున్న TV, ACల ధరలు

పండుగ సీజన్‌కు ముందు ఎలక్ట్రానిక్స్‌ ధరలు పెరగనున్నాయి. ఏసీల ధరలను 5-8%.. LED టీవీలు, వాషింగ్‌ మెషీన్లు, ఫ్రిజ్‌ల ధరలను 3-4% పెంచేందుకు సంస్థలు సిద్ధమయ్యాయి. అక్టోబర్‌ 1 నుంచి కొత్త ధరలు అమల్లోకి రానున్నాయి. క్రూడ్‌, రాగి, స్టీల్‌ వంటి ముడి పదార్థాల ధరలు పెరగడమే ఇందుకు కారణం. అయితే డీలర్ల వద్ద పాత స్టాక్‌ ఉండటంతో మరో నెల వరకు ప్రభావం తక్కువగా ఉండొచ్చని నిపుణులు అంచనా వేస్తున్నారు.