పండగ ఆర్డర్ల జోరు.. సిబ్బంది నిలుపుదలకు ఇ-కామర్స్ సంస్థల ప్రత్యేక బోనస్‌లు!

దసరా, దీపావళి పండగల వేళ భారీ ఆర్డర్లను తట్టుకునేందుకు, సిబ్బంది వలసలను నివారించేందుకు ఇ-కామర్స్, లాజిస్టిక్స్‌ కంపెనీలు ప్రోత్సాహకాల బడ్జెట్‌ను 15-20 శాతం వరకు పెంచాయి. అయితే, ఈ అదనపు బోనస్‌ల కోసం గిగ్‌ కార్మికులు రోజుకు 12 నుంచి 14 గంటల వరకు తీవ్రంగా శ్రమించాల్సి వస్తోందని కార్మిక సంఘాలు ఆందోళన వ్యక్తం చేస్తున్నాయి.