వరదల తర్వాత అసోంలో రైలు సేవల పునరుద్ధరణ

అసోంలోని సిమాలుగురి పరిసరాల్లో వరదలతో దెబ్బతిన్న రైల్వే మార్గాలను నార్త్‌ఈస్ట్ ఫ్రంటియర్ రైల్వే పునరుద్ధరించింది. భద్రత దృష్ట్యా ప్రస్తుతం డీజిల్ ఇంజిన్ రైళ్లను మాత్రమే నడుపుతోంది. వరద బాధితులు పట్టాల సమీపంలో ఆశ్రయం పొందుతున్న నేపథ్యంలో ఈ నిర్ణయం తీసుకున్నారు. పరిస్థితులు సాధారణ స్థితికి చేరిన తర్వాత విద్యుత్ రైళ్ల సేవలను పునరుద్ధరిస్తామని అధికారులు తెలిపారు.