కేపీహెచ్‌బీలో ఫుట్‌పాత్ ఆక్రమణల తొలగింపు

హైదరాబాద్ కేపీహెచ్‌బీ కాలనీలోని మీసేవ రోడ్డులో టౌన్ ప్లానింగ్ అధికారులు ఆక్రమణలను తొలగించారు. ఫుట్‌పాత్‌లపై అక్రమంగా ఏర్పాటు చేసిన టిఫిన్, చికెన్ పకోడి, జ్యూస్ సెంటర్ స్టాళ్లను శనివారం ఉదయం తొలగించారు. స్థానికుల నుంచి వచ్చిన వరుస ఫిర్యాదుల మేరకు అధికారులు ఈ చర్యలు తీసుకున్నారు. కొన్నేళ్లుగా ఇక్కడ వ్యాపారాలు చేస్తున్న చిరు వ్యాపారులు అధికారుల తీరుపై ఆవేదన వ్యక్తం చేస్తున్నారు. పొట్టకూటి కోసం రోడ్డు పక్కన వ్యాపారం చేసుకుంటున్న తమను తొలగించడం సరికాదని వారు ఆందోళన చెందుతున్నారు. ట్రాఫిక్ సమస్యలు, పాదచారుల ఇబ్బందులను దృష్టిలో ఉంచుకుని అధికారులు ఈ డ్రైవ్ చేపట్టారు.