హైదరాబాద్‌లో ఊరటనిచ్చిన వర్షం

హైదరాబాద్ నగరంలోని బంజారాహిల్స్, మాదాపూర్, కూకట్‌పల్లి తదితర ప్రాంతాల్లో చెదురుమదురు వర్షం కురిసింది. ఎల్‌నినో ప్రభావంతో ఎండలతో ఇబ్బంది పడుతున్న నగర వాసులకు ఈ జల్లులు కాస్త ఊరటనిచ్చాయి. వర్షాకాలం ప్రారంభమైనా సరైన వానలు లేక ఆందోళన చెందుతున్న ప్రజలు తాజా వర్షంతో సంతోషిస్తున్నారు. ఈ వానల వల్ల ఎండిపోయిన బోరుబావులు పునరుజ్జీవిస్తాయని, నీటి ఎద్దడి తప్పుతుందని నగరవాసులు ఆశాభావం వ్యక్తం చేస్తున్నారు.