మాజీ పోలీస్ అధికారి ఇంట్లో ఏసీబీ సోదాలు

ఫోన్ ట్యాపింగ్ కేసులో నిందితుడిగా ఉండి సస్పెండైన అడిషనల్ ఎస్పీ భుజంగరావు ఇళ్లపై ఏసీబీ అధికారులు బుధవారం దాడులు నిర్వహించారు. ఆదాయానికి మించి ఆస్తులు కూడబెట్టారనే ఆరోపణలతో హైదరాబాద్, సూర్యాపేట సహా మొత్తం 15 ప్రాంతాల్లో ఏకకాలంలో ఈ తనిఖీలు చేపట్టారు. ప్రస్తుతం జ్యుడిషియల్ రిమాండ్‌లో ఉన్న భుజంగరావుతో పాటు ఆయన బంధువుల నివాసాల్లోనూ అధికారులు సోదాలు చేశారు. భారీగా అక్రమాస్తులు గుర్తించినట్లు సమాచారం.