డెహ్రాడూన్‌లో రాహుల్ గాంధీ విద్యార్థి గర్జన

రాజస్థాన్‌లోని కోటా తరహాలోనే ఉత్తరాఖండ్‌లోని డెహ్రాడూన్ పెరేడ్ గ్రౌండ్‌లో 'ఛాత్రోం కీ గూంజ్' (విద్యార్థుల గర్జన) కార్యక్రమానికి ఏఐసీసీ సన్నాహాలు చేస్తోంది. ఈ భారీ బహిరంగ సదస్సులో లోక్‌సభ ప్రతిపక్ష నేత రాహుల్ గాంధీ జూలై 17న పాల్గొననున్నారు. ఈ వేదిక ద్వారా ఆయన స్థానిక యువత, విద్యార్థులతో ముఖాముఖి మాట్లాడి వారి సమస్యలను తెలుసుకోనున్నారు. దేశవ్యాప్తంగా విద్యార్థుల గళాన్ని వినిపించేందుకు కాంగ్రెస్ పార్టీ ఈ వినూత్న కార్యక్రమాన్ని నిర్వహిస్తోంది.