రాజానగరంలో భారీ వర్షం

రాజానగరంలో సోమవారం మధ్యాహ్నం ఒక్కసారిగా భారీ వర్షం కురిసింది. చిరుజల్లులతో ప్రారంభమైన వాన కొద్దిసేపటికే జోరందుకోవడంతో జనజీవనం స్తంభించింది. పలుప్రాంతాలు జలమయమై, రోడ్లపై వర్షపు నీరు కాలువల్లా ప్రవహించింది. తుఫాను ప్రభావంతో 10 రోజుల క్రితం భారీ వర్షాలు కురిసినా, ఆ తర్వాత వర్షాలు లేకపోవడంతో తాజా వాన సాగుకు ఉపయోగపడుతుందని రైతులు హర్షం వ్యక్తం చేశారు.