డయల్-112 కాల్‌తో ఆత్మహత్యాయత్నం చేసిన వ్యక్తికి రక్షణ

తూర్పుగోదావరి జిల్లా కొవ్వూరు మండలం మద్దూర్ లంక వంతెనపై ఆత్మహత్యకు యత్నించిన వ్యక్తిని పోలీసులు రక్షించారు. డయల్-112కు వచ్చిన సమాచారంతో కొవ్వూరు రూరల్ పోలీసులు వెంటనే స్పందించారు. మధ్యప్రదేశ్‌కు చెందిన వ్యక్తిగా పోలీసులు గుర్తించారు. ప్రస్తుతం అతడు పోలీసుల సంరక్షణలో ఉన్నాడని, కుటుంబ సభ్యులకు సమాచారం అందించే చర్యలు చేపట్టామని అధికారులు తెలిపారు. 112 సిబ్బందిని ఎస్పీ అభినందించారు.