ప్రభుత్వ పాఠశాలలో ముందస్తు కృష్ణాష్టమి వేడుకలు

జన్నారం మండలంలోని పలు గ్రామాలలో ఉన్న ప్రభుత్వ పాఠశాలల్లో ముందస్తు కృష్ణాష్టమి సంబరాలను ఘనంగా నిర్వహించారు. శ్రీ కృష్ణాష్టమి పురస్కరించుకొని గురువారం ఉదయం అక్కపల్లి గూడా ప్రభుత్వ పాఠశాలలో చిన్నారులు శ్రీకృష్ణుడు, గోపికల వేషధారణలో అందరిని అలరించారు. ఈ సందర్భంగా కృష్ణాష్టమి విశిష్టత గురించి పాఠశాల హెచ్ఎం జాజాల శ్రీనివాస్ విద్యార్థులకు వివరించారు. ఈ కార్యక్రమంలో ఉపాధ్యాయులు, విద్యార్థులు ఉన్నారు.