పోలీసు పోస్టులపై నిరుద్యోగుల ఆవేదన

తెలంగాణ పోలీసు శాఖలో 7,437 ఉద్యోగాల భర్తీకి నోటిఫికేషన్‌ వెలువడినా జిల్లాలు, జోన్లవారీ కేటాయింపులపై అభ్యర్థుల్లో ఆందోళన వ్యక్తమవుతోంది. హైదరాబాద్‌, రంగారెడ్డి, మేడ్చల్‌ మల్కాజిగిరి సహా పలు జిల్లాలకు కానిస్టేబుల్‌ పోస్టులు కేటాయించలేదు. పోలీసు శాఖలో దాదాపు 20 వేల వరకు ఖాళీలు ఉండొచ్చని అంచనా వేస్తుండగా, పరిమిత పోస్టులకే నోటిఫికేషన్‌ ఇవ్వడంపై అభ్యర్థులు ఆవేదన వ్యక్తం చేస్తున్నారు.