నిజామాబాద్‌లో రహదారిపై పడిన చెట్టును తొలగించిన పోలీసులు

నిజామాబాద్ జిల్లాలో శుక్రవారం రాత్రి కురిసిన వర్షం, వీచిన బలమైన ఈదురు గాలులకు ఖానాపూర్ రోడ్డుపై భారీ వృక్షం విరిగిపడింది. దీనివల్ల రాకపోకలకు తీవ్ర అంతరాయం ఏర్పడింది. నైట్ పెట్రోలింగ్‌లో ఉన్న రూరల్ పోలీస్ స్టేషన్ సిబ్బంది ఈ విషయాన్ని గమనించి, వెంటనే అక్కడికి చేరుకుని రోడ్డుపై పడి ఉన్న చెట్టును తొలగించారు. దీంతో ట్రాఫిక్ సమస్య పరిష్కారమై, వాహనాల రాకపోకలు పునరుద్ధరించబడ్డాయి.