కామారెడ్డిలో పోలీసుల కార్డెన్ సెర్చ్

కామారెడ్డి జిల్లా ఎల్లారెడ్డి పట్టణంలోని ఎర్రమన్ను కుచ్చా ప్రాంతంలో పోలీసులు భారీ కార్డెన్ సెర్చ్ నిర్వహించారు. ఈ ఆపరేషన్‌లో భాగంగా సరైన పత్రాలు లేని 135 బైకులు, 8 ఆటోలు, 4 టాటా ఏస్ వాహనాలను పోలీసులు స్వాధీనం చేసుకున్నారు. ఎల్లారెడ్డి, నాగిరెడ్డిపేట్, గాంధారి, లింగంపేట్, తాడ్వాయి మరియు సదాశివనగర్ మండలాలకు చెందిన పోలీసుల బృందాలు ఈ సోదాల్లో పాల్గొన్నాయి. నిబంధనలకు విరుద్ధంగా ఉన్న వాహనాలను గుర్తించేందుకు ఈ తనిఖీలు చేపట్టినట్లు అధికారులు తెలిపారు.