ఫార్మర్‌ ఐడీ నమోదు ప్రక్రియ

కంగ్టి మండలం గాజులపాడులో సోమవారం రైతుల ఫార్మర్‌ ఐడీ నమోదు చేపట్టారు. ఏఈవో గీత రైతుల నుంచి అవసరమైన వివరాలు సేకరించి ఆన్‌లైన్‌లో నమోదు చేశారు. రైతులు పెద్ద సంఖ్యలో పాల్గొని వివరాలు అందించారు. ప్రభుత్వ సంక్షేమ పథకాలు, వ్యవసాయ ప్రయోజనాలను సులభంగా పొందేందుకు ఫార్మర్‌ ఐడీ ఉపయోగపడుతుందని ఏఈవో తెలిపారు. రైతులు ఈ అవకాశాన్ని సద్వినియోగం చేసుకోవాలని సూచించారు.