ఎంజీఎంలో వైద్య సేవలపై రోగుల ఆవేదన

వరంగల్‌ ఎంజీఎంలో పేదలకు వైద్యం అందడం కష్టంగా మారిందని రోగులు ఆరోపిస్తున్నారు. సూపరింటెండెంట్‌ ప్రైవేట్‌ ప్రాక్టీస్‌లో ఉంటున్నారని, కొందరు ఆర్‌ఎంవోలు మధ్యాహ్నానికే విధులకు దూరమవుతున్నారని విమర్శించారు. వార్డుల్లో రౌండ్లు, అత్యవసర విభాగం పర్యవేక్షణ సక్రమంగా లేదని ఆవేదన వ్యక్తం చేశారు. వైద్య సేవలను మెరుగుపరిచేందుకు పూర్తిస్థాయిలో విధులు నిర్వహించే అధికారులను నియమించాలని వారు కోరారు.