పాస్‌పోర్ట్ పౌరసత్వానికి నిదర్శనం కాదు

భారతీయ పాస్‌పోర్ట్ అనేది కేవలం అంతర్జాతీయ ప్రయాణాలకు ఉద్దేశించిన పత్రం మాత్రమేనని, అది పౌరసత్వానికి నిదర్శనం కాదని విదేశీ వ్యవహారాల శాఖ స్పష్టం చేసింది. చట్టప్రకారం పౌరులు కాని వారికి కూడా పాస్‌పోర్ట్ జారీ చేసే అవకాశం ఉందని పేర్కొంది. 2013లో బాంబే హైకోర్టు ఇచ్చిన తీర్పును గుర్తు చేస్తూ, పాస్‌పోర్ట్ పౌరసత్వాన్ని నిర్ధారించదని తెలిపింది. ఇవి భారత ప్రభుత్వ ఆస్తి అని, అవసరమైనప్పుడు ప్రభుత్వం వెనక్కి తీసుకునే అధికారం ఉంటుందని స్పష్టం చేసింది.