రాహుల్ మృతిపై కోరుట్లలో పద్మశాలీల నిరసన

ఇంజనీరింగ్ విద్యార్థి అంకం రాహుల్ మృతిపై అనుమానాలను నివృత్తి చేయాలని కోరుతూ కోరుట్లలో పద్మశాలీ సంఘం నేతలు, గ్రామస్తులు నిరసన చేపట్టారు. పోలీసులు కేసు దర్యాప్తులో జాప్యం చేస్తున్నారని వారు ఆరోపించారు. రాహుల్ మృతికి కారణమైన వారిని శిక్షించాలని, కేసును సీబీఐకి అప్పగించాలని డిమాండ్ చేశారు. బాధితుడి కుటుంబానికి న్యాయం జరిగే వరకు తమ పోరాటం కొనసాగుతుందని వారు స్పష్టం చేశారు.