పామూరులో డీజేలకు అనుమతి లేదు: సీఐ

పామూరు మండలంలోని డీజే నిర్వాహకులతో సీఐ వినోద్ కుమార్ బుధవారం సమావేశం నిర్వహించారు. ఈ ఏడాది ప్రభుత్వం డీజేలకు అనుమతి ఇవ్వలేదని తెలిపారు. వినాయక విగ్రహాల ఊరేగింపుల్లో డీజేలు ఏర్పాటు చేయవద్దని సూచించారు. విగ్రహాల వద్ద సౌండ్ బాక్సుల్లో తక్కువ శబ్దంతోనే పాటలు వినిపించాలని అన్నారు. ప్రభుత్వ నిబంధనలను తూచా తప్పకుండా పాటించాలని సీఐ సూచించారు.