లే-అవుట్లపై రూ.10.42 కోట్ల వసూళ్లకు ఆదేశం

పాయకరావుపేట గ్రామ పంచాయతీలో అనధికార లే-అవుట్లకు అనుమతుల వ్యవహారంపై ఉపలోకాయుక్త పి. రజని విచారణ ముగించారు. బాధ్యులైన అధికారులపై క్రమశిక్షణ చర్యలు తీసుకోవాలని ఆదేశించారు. పంచాయతీకి రావాల్సిన రూ.10.42 కోట్లను అనధికార లే-అవుట్లలోని ప్లాట్లు, భవన యజమానుల నుంచి చట్ట ప్రకారం సత్వరం వసూలు చేయాలని అనకాపల్లి జిల్లా పంచాయతీ అధికారిని ఆదేశించారు.