ఒంటిమిట్ట ఆలయ తూర్పు గోపురం మూసివేత

ఒంటిమిట్ట కోదండరామస్వామి ఆలయంలో మరమ్మతుల నేపథ్యంలో తూర్పు గోపురం తలుపులను తాత్కాలికంగా మూసివేశారు. పురావస్తు శాఖ అనుమతితో మూడు గోపురాలకు మరమ్మతులు చేపడుతున్నారు. తూర్పు గోపురం వద్ద సారవ పనులు జరుగుతుండటంతో భక్తుల భద్రత దృష్ట్యా ఈ మార్గాన్ని మూసివేశారు. భక్తులు దక్షిణ, ఉత్తర గోపురాల ద్వారా ఆలయంలోకి ప్రవేశించాలని అధికారులు సూచించారు.