విదేశీ యురేనియం గనులపై ఎన్‌టీపీసీ కన్ను

రాబోయే రెండు దశాబ్దాలలో 30 గిగావాట్ల అణుశక్తి సామర్థ్యాన్ని నిర్మించడమే లక్ష్యంగా ఎన్‌టీపీసీ (NTPC) పనిచేస్తోంది. ఇందుకు అవసరమైన ఇంధనం కోసం కెనడా, ఆస్ట్రేలియా వంటి విదేశాలలో యురేనియం గనులను కొనుగోలు చేసేందుకు కన్సల్టెంట్ల నియామకానికి టెండర్లు పిలిచింది. 2047 నాటికి దేశ అణుశక్తి సామర్థ్యాన్ని 11 రెట్లు పెంచాలనే వ్యూహంలో ఇది భాగం. దేశీయంగా నిల్వలు పరిమితంగా ఉండటంతో విదేశీ గనులపై ఎన్‌టీపీసీ దృష్టి సారించింది.