నరసాపురం రేవులో పునఃప్రారంభమైన పంటు సేవలు

పశ్చిమ గోదావరి జిల్లా సఖినేటిపల్లి - నరసాపురం రేవుల మధ్య నిలిచిపోయిన పంటు రాకపోకలను శనివారం ఉదయం అధికారులు పునరుద్ధరించారు. భారీ వర్షాలు, వరద హెచ్చరికల వల్ల శుక్రవారం ఈ పంటు సేవలను నిలిపివేశారు. ప్రస్తుతం వర్షాలు తగ్గి వాతావరణం అనుకూలించడంతో సర్వీసులు తిరిగి ప్రారంభమయ్యాయి. దీంతో సాధారణ రాకపోకలు సాగిస్తూ ప్రయాణికులు తీవ్ర ఉపశమనం పొందారు.