ఇక ఓటీపీ అవసరం లేదు: Vi సరికొత్త ఫీచర్

వొడాఫోన్ ఐడియా (Vi) వినియోగదారులకు శుభవార్త. ఇకపై వాట్సాప్, ఫేస్‌బుక్, ఇన్‌స్టాగ్రామ్‌ ఖాతాల్లోకి ఓటీపీ లేదా పాస్‌వర్డ్ అవసరం లేకుండానే సులభంగా లాగిన్ కావచ్చు. ఇందుకోసం ‘సైలెంట్ మొబైల్ వెరిఫికేషన్’ అనే కొత్త సాంకేతికతను సంస్థ అందుబాటులోకి తెచ్చింది. ఈ నెట్‌వర్క్ ఆధారిత ధ్రువీకరణ ద్వారా యాప్స్ బ్యాక్‌గ్రౌండ్‌లోనే మొబైల్ నంబర్‌ను ధ్రువీకరిస్తాయి. ఇది అకౌంట్ రికవరీ, సెక్యూరిటీ చెక్స్‌ సమయంలో మరింత సురక్షితంగా పనిచేస్తుందని కంపెనీ తెలిపింది.