డిజిటల్ అరెస్టు కేసుల్లో బెయిల్ ఇవ్వొద్దు: సుప్రీంకోర్టు

డిజిటల్ అరెస్టు కేసులు బందిపోటు దోపిడీతో సమానమైన తీవ్రమైన నేరాలని సుప్రీంకోర్టు స్పష్టం చేసింది. సీనియర్ సిటిజన్ల కష్టార్జితాన్ని హరించే ఈ కేసుల్లో అసాధారణ పరిస్థితుల్లో తప్ప నిందితులకు బెయిల్ ఇవ్వొద్దని తెలిపింది. ట్రయల్, హైకోర్టులకు ఈ మేరకు స్పష్టతనిచ్చిన ధర్మాసనం, ఇవి వ్యవస్థీకృత నేరాల కిందకు వస్తాయని పేర్కొంది. ఖాతా తెరవడంలోనే సహకరించానంటూ బెయిల్ కోరిన వ్యక్తి అభ్యర్థనను తోసిపుచ్చింది.