నంద్యాలలో పంచముఖ ఆంజనేయ స్వామికి విశేష పూజలు

నంద్యాల నందమూరి నగర్‌లోని శ్రీ శమీవృక్ష సహిత పంచముఖ ఆంజనేయ స్వామికి వామన జయంతిని పురస్కరించుకుని మంగళవారం పంచామృతాభిషేకాలు నిర్వహించారు. అర్చకులు వేదమంత్రాలతో విశేష పూజలు, ఆకు పూజలు చేశారు. స్వామివారిని ప్రత్యేకంగా అలంకరించి హారతులు ఇచ్చారు. ఈ సందర్భంగా భక్తులు అధిక సంఖ్యలో తరలివచ్చి స్వామివారిని దర్శించుకున్నారు.