కొత్త రికార్డు స్థాయికి నిఫ్టీ ఫార్మా ఇండెక్స్

భారతీయ ఫార్మా కంపెనీల షేర్లు శుక్రవారం ట్రేడింగ్‌లో దూసుకుపోతూ నిఫ్టీ ఫార్మా ఇండెక్స్ 25,861.50 వద్ద కొత్త రికార్డును తాకింది. అరవిందో, ఇప్కా, టోరెంట్ వంటి ప్రముఖ షేర్లు తమ గరిష్ట స్థాయిలను నమోదు చేశాయి. గ్లోబల్ మార్కెట్లో ఔషధాల వినియోగం పెరగడం, భారత్ నుండి క్యాన్సర్ మందుల సరఫరాకు అమెరికా (USFDA) కోరడం ఈ వృద్ధికి కారణమయ్యాయి. ఐరోపా, భారత మార్కెట్లలో పెరిగిన విక్రయాలు కంపెనీల లాభాలకు కలిసొచ్చాయి.