నిధుల కొరతతో నిలిచిన ఆరోగ్య ఉపకేంద్రం

బిక్కనూరు మండల కేంద్రంలో ఆరోగ్య ఉపకేంద్ర నిర్మాణ పనులు నిధుల కొరతతో నిలిచిపోయాయి. గత ప్రభుత్వం రూ.20 లక్షలు మంజూరు చేయడంతో పనులు ప్రారంభమైనా భవనం పూర్తికాక కాంట్రాక్టర్ పనులు నిలిపివేశారు. దీంతో భవనం అసంపూర్తిగా దర్శనమిస్తోంది. అవసరమైన నిధులు మంజూరు చేసి నిర్మాణ పనులు పూర్తి చేయాలని పట్టణ ప్రజలు అధికారులను కోరుతున్నారు.