న్యూజిలాండ్‌లో భారీ భూకంపం: సునామీ హెచ్చరికలు

న్యూజిలాండ్‌లోని దక్షిణ ద్వీపంలో గురువారం 6.3 తీవ్రతతో భారీ భూకంపం సంభవించింది. టె అనావ్ పట్టణానికి సమీపంలో భూకంప కేంద్రం ఉన్నట్లు అధికారులు గుర్తించారు. భవనాలు ఊగడంతో ప్రజలు భయాందోళనకు గురయ్యారు. భూకంపం నేపథ్యంలో అధికారులు తీర ప్రాంతాలకు సునామీ హెచ్చరికలు జారీ చేశారు. ప్రమాద తీవ్రత దృష్ట్యా ప్రజలందరూ తక్షణమే సురక్షిత ప్రాంతాలకు వెళ్లాలని అత్యవసర నిర్వహణ సంస్థ హెచ్చరించింది.