నిజామాబాద్‌ ఓఆర్‌ఆర్‌కు కొత్త ప్రతిపాదనలు సిద్ధం

నిజామాబాద్‌ నగర ఔటర్‌ రింగ్‌ రోడ్డు నిర్మాణానికి రోడ్లు, భవనాల శాఖ అధికారులు తాజా ప్రతిపాదనలు రూపొందిస్తున్నారు. నగరంలోని ప్రధాన రహదారులన్నింటినీ అనుసంధానించేలా ప్రణాళిక సిద్ధం చేస్తున్నారు. ఓఆర్‌ఆర్‌ ఏర్పాటుతో ట్రాఫిక్‌ రద్దీ తగ్గడంతో పాటు పారిశ్రామిక, వ్యవసాయ రవాణాకు ప్రయోజనం కలుగుతుందని అధికారులు తెలిపారు. భూసేకరణ వివరాల సేకరణ కొనసాగుతోందని వెల్లడించారు.