గ్రామాల్లో నీటి నాణ్యత పరీక్షకు కొత్త టెస్టింగ్‌ కిట్లు

ప్రతి గ్రామంలో తాగునీటి నాణ్యతను పరీక్షించేందుకు ప్రభుత్వం గ్రామపంచాయతీలకు కొత్త ఫీల్డ్‌ వాటర్‌ టెస్టింగ్‌ కిట్లను అందిస్తోంది. ఉమ్మడి కర్నూలు జిల్లాలో తొలి దశలో 268 పంచాయతీలకు కిట్లు పంపిణీ చేశారు. త్వరలో మిగిలిన పంచాయతీలకూ అందించనున్నట్లు అధికారులు తెలిపారు. కిట్లతో అధికారులు ప్రతిరోజూ నీటి నాణ్యతను పరీక్షించి లోపాలను గుర్తించి సరిచేసే చర్యలు చేపడుతున్నారు.