ఖమ్మం సైబర్ కేసుల్లో కొత్త మోసాలు వెలుగులోకి

ఖమ్మంలో నమోదైన సైబర్ మోసాల కేసుల దర్యాప్తులో కొత్త నేరాలు వెలుగులోకి వస్తున్నాయని అధికారులు తెలిపారు. సత్తుపల్లికి చెందిన ముగ్గురిని నెల వ్యవధిలో అరెస్టు చేయగా, ప్రముఖ సంస్థల పేర్లతో రూ.4.70 కోట్ల మోసాలు జరిగినట్లు గుర్తించారు. ఈ కేసుల్లో ఆర్థిక లావాదేవీలు రూ.100 కోట్లకు పైగా ఉన్నట్లు అధికారులు వెల్లడించారు. తాజాగా హైదరాబాద్ మాదాపూర్‌లో కాల్ సెంటర్ నిర్వహిస్తున్న పట్టాభిని అరెస్టు చేశారు.