కందుకూరులో కొత్త బస్సు సర్వీసు

కందుకూరు ఆర్టీసీ బస్టాండ్‌లో యర్రారెడ్డిపాలెం నుంచి తిమ్మారెడ్డిపాలెం స్కూల్ వరకు నూతన బస్సు సర్వీసును ఎమ్మెల్యే ఇంటూరి నాగేశ్వరరావు గురువారం ప్రారంభించనున్నారు. స్థానికుల విజ్ఞప్తి మేరకు ఈ సేవలను అందుబాటులోకి తెచ్చారు. ఈ కొత్త సర్వీసుతో విద్యార్థులు, ఉద్యోగులు, స్థానిక ప్రజలకు రవాణా సౌకర్యాలు మెరుగుపడతాయి. ప్రజల రవాణా ఇబ్బందులను తొలగించే లక్ష్యంతో ఈ కార్యక్రమాన్ని చేపట్టినట్లు అధికారులు తెలిపారు.