నెల్లూరు డిపోలో బస్సు బీభత్సం

నెల్లూరు ఆర్టీసీ డిపోలో బస్సు అదుపు తప్పి ప్లాట్‌ఫామ్‌పైకి దూసుకెళ్లడంతో నలుగురు ప్రయాణికులు తీవ్రంగా గాయపడ్డారు. క్షతగాత్రులను వెంటనే చికిత్స కోసం జిల్లా ప్రభుత్వ ఆసుపత్రికి తరలించారు. అతివేగమే ప్రమాదానికి కారణమని స్థానికులు చెబుతుండగా, ఒక్కసారిగా జరిగిన ఈ ఘటనతో డిపోలో భయాందోళనలు నెలకొన్నాయి. ప్రమాదంలో బస్సు, ప్లాట్‌ఫామ్ దెబ్బతినగా, అధికారులు దీనిపై విచారణ చేపడుతున్నారు.