నవాబుపేట జలాశయం పనుల్లో జాప్యం

దేవాదుల ఫేజ్‌-3 ప్యాకేజీ-7 కింద చేపట్టిన నవాబుపేట జలాశయం పనులు ఏళ్లుగా పెండింగ్‌లో ఉన్నాయి. రూ.254 కోట్లతో 2009లో ప్రారంభమైన ఈ ప్రాజెక్టు 2015లో పూర్తికావాల్సి ఉండగా ఇప్పటికీ కాల్వలు, లైనింగ్‌ పనులు కొనసాగుతున్నాయి. ఇటీవల రూ.140 కోట్లు మంజూరైనా పనులు నత్తనడకన సాగుతున్నాయని విమర్శలు ఉన్నాయి. కాల్వల మరమ్మతులు, భూసేకరణ పనులు పూర్తి చేసి డిసెంబరులోగా ప్రాజెక్టును పూర్తిచేస్తామని అధికారులు తెలిపారు.