నా కొడుకు తప్పు చేస్తే శిక్ష పడాల్సిందే: బండి సంజయ్

చట్టం ముందు అందరూ సమానమేనని, తన కుమారుడు తప్పు చేస్తే శిక్ష పడాల్సిందేనని బండి సంజయ్ అన్నారు. ప్రజల కోసం కుటుంబాన్ని నిర్లక్ష్యం చేశానని, తన కొడుకును నేరస్తుడిగా చూపడం తండ్రిగా బాధ కలిగించిందని ఆవేదన చెందారు. తమపై కుట్రలు చేసేవారిని వదిలిపెట్టనని, అవినీతి శక్తుల భరతం పడతానని ఆయన హెచ్చరించారు. కన్నతల్లి పడుతున్న బాధను వివరిస్తూ, కార్యకర్తలే తన బలమని, ధర్మ పోరాటంలో వెనక్కి తగ్గే ప్రసక్తి లేదని స్పష్టం చేస్తూ ప్రసంగించారు.