ముత్యంపేట: ఆంజనేయ స్వామి ఆలయంలో ఘనంగా వరలక్ష్మీ వ్రతాలు

మల్యాల మండలం ముత్యంపేట శివారులో కొలువుదీరిన ఆది పెరుమాండ్ల ఆంజనేయస్వామి ఆలయంలో శ్రావణ శుక్రవారం సందర్భంగా మహిళలు వరలక్ష్మీ వ్రతాలను అత్యంత భక్తిశ్రద్ధలతో ఘనంగా నిర్వహించారు. ఆలయ ఆవరణలో అమ్మవారిని ప్రత్యేకంగా అలంకరించి, సామూహికంగా వ్రతం ఆచరించారు. పచ్చని పొలాల నడుమ, ఆహ్లాదకర వాతావరణంలో కుటుంబ సౌభాగ్యం, సుఖసంతోషాలు, ఆయురారోగ్యాల కోసం అమ్మవారిని వేడుకున్నారు. ప్రాంగణం భక్తి నామస్మరణతో మార్మోగింది.