వర్షాకాలం: పారిశుధ్యంపై ప్రత్యేక శ్రద్ధ!

వర్షాకాలంలో అంటువ్యాధులు ప్రబలకుండా ముందస్తు పారిశుధ్య చర్యలు చేపట్టాలని జగిత్యాల కౌన్సిలర్ ములస్తం లావణ్య కమిషనర్‌ను కోరారు. దోమల నివారణ, డ్రైనేజీల శుభ్రతకు కేటాయించిన నిధులను నాణ్యతతో వినియోగించాలని ఆమె డిమాండ్ చేశారు. తాగునీటి పైపులైన్లలో లీకేజీలు లేకుండా చూడాలని, పారిశుధ్య కార్మికులకు రక్షణ సామగ్రిని అందించాలని ఆమె సూచించారు. ప్రజల ఆరోగ్యం పట్ల మున్సిపల్ అధికారులు ప్రత్యేక శ్రద్ధ వహించాలని కోరారు.