నిరుద్యోగులకు వరం 'మోడల్ కెరీర్ సెంటర్'

ఆంధ్ర విశ్వవిద్యాలయంలోని మోడల్ కెరీర్ సెంటర్ (MCC) నిరుద్యోగ యువతకు వరంలా మారింది. కేంద్ర ప్రభుత్వ నేషనల్ కెరీర్ సర్వీస్ ప్రాజెక్టులో భాగంగా ఏర్పాటైన ఈ కేంద్రం, తరచూ జాబ్ మేళాలు నిర్వహిస్తూ చదువుకు తగ్గ ఉద్యోగ అవకాశాలను కల్పిస్తోంది. ఈ కేంద్రం ఏడాది కాలంలో 66 జాబ్ మేళాలు నిర్వహించి, 954 మందికి నేరుగా ఉద్యోగాలు అందించింది. ఇక్కడ గరిష్టంగా నెలకు రూ.40 వేల వరకు జీతంతో కూడిన ఉద్యోగాలకు అభ్యర్థులు ఎంపికవుతున్నారు.