అస్త్ర ఎంకే-1 పరిధి పెంపు: పెరుగుతున్న భారత వైమానిక శక్తి

స్వదేశీ బియాండ్ విజువల్ రేంజ్ (BVR) ఎయిర్-టు-ఎయిర్ క్షిపణి 'అస్త్ర MK1' పరిధిని భారత్ మరింత పెంచనుంది. ప్రస్తుతం 110 కిలోమీటర్ల పరిధి కలిగిన ఈ క్షిపణిని, అధునాతన సాంకేతికతతో 160 కిలోమీటర్ల దూరంలోని లక్ష్యాలను ఛేదించేలా అప్‌గ్రేడ్ చేయనున్నారు. గంటకు 5,500 కిలోమీటర్ల (మ్యాక్ 4.5) వేగంతో దూసుకెళ్లే ఈ క్షిపణి, శత్రువుల గగనతలాన్ని చేధించగలదు. ఈ సామర్థ్య పెంపుతో పాకిస్థాన్ వైమానిక ప్రాంతంలో దాదాపు 50 శాతం వరకు భారత క్షిపణి ప్రభావం విస్తరిస్తుందని రక్షణ నిపుణులు అంచనా వేస్తున్నారు.