బీఆర్‌ఎస్ విమర్శలకు మంత్రి శ్రీధర్‌బాబు కౌంటర్

ఉద్యోగ నియామకాలపై వస్తున్న విమర్శలను మంత్రి దుద్దిళ్ల శ్రీధర్‌బాబు తోసిపుచ్చారు. తమ ప్రభుత్వం అధికారంలోకి వచ్చిన రెండున్నరేళ్లలోనే 70 వేల ఉద్యోగాలను భర్తీ చేశామని ఆయన తెలిపారు. ఇచ్చిన హామీ మేరకు 2 లక్షల ప్రభుత్వ ఉద్యోగాల నియామకాల కోసం ఇప్పటికే జాబ్ క్యాలెండర్‌ను విడుదల చేశామని మంత్రి స్పష్టం చేశారు. పదేళ్ల పాటు బీఆర్‌ఎస్ ప్రభుత్వం ఉద్యోగాలివ్వకుండా యువతను పక్కదోవ పట్టించిందని ఆయన ఆరోపించారు.