మంత్రి సీతక్క ఆదేశం: యుద్ధప్రాతిపదికన మహిళా సంఘాల భవన నిర్మాణాలు పూర్తి చేయాలి!

మహిళా గ్రామైక్య సంఘాల భవన నిర్మాణాలను యుద్ధప్రాతిపదికన పూర్తి చేయాలని రాష్ట్ర పంచాయతీరాజ్, గ్రామీణాభివృద్ధి శాఖ మంత్రి సీతక్క అధికారులను ఆదేశించారు. మహిళా సాధికారతకు, వారి సమావేశాల నిర్వహణకు ఈ భవనాలు ఎంతో కీలకంగా మారనున్నాయని ఆమె పేర్కొన్నారు. నిర్మాణాల్లో ఎక్కడా నాణ్యత లోపించకుండా, నిధుల కొరత లేకుండా చూస్తామని మంత్రి హామీ ఇచ్చారు. నిర్దేశిత గడువులోగా పనులన్నీ పూర్తి చేసి భవనాలను మహిళా సంఘాలకు అందుబాటులోకి తీసుకురావాలని స్పష్టం చేశారు.