సింగరేణిలో మెడికల్‌ బోర్డు డిమాండ్

సింగరేణిలో మెడికల్‌ బోర్డు ఏర్పాటు చేయాలని కోరుతూ ఈ నెల 20 నుంచి నిరాహార దీక్ష చేపడతామని కల్వకుంట్ల కవిత ప్రకటించారు. కొత్తగూడెం గనిని సందర్శించిన ఆమె, కార్మికుల సమస్యలపై ప్రభుత్వ తీరును తీవ్రంగా విమర్శించారు. సింగరేణి బకాయిలు చెల్లించాలని మరియు లేబర్ కోడ్‌లకు వ్యతిరేకంగా అసెంబ్లీలో తీర్మానం చేయాలని ఆమె డిమాండ్ చేశారు. కార్మికులకు కనీస వేతనాలు అందడం లేదని మండిపడ్డారు.