కెమికల్ ఫ్యాక్టరీలో భారీ అగ్నిప్రమాదం

హర్యానాలోని కర్నాల్ మీరట్ రోడ్డులో ఉన్న ఒక పురుగుమందుల (పెస్టిసైడ్స్) కర్మాగారంలో శనివారం భారీ అగ్నిప్రమాదం సంభవించింది. నాగ్లా చౌక్ సమీపంలోని ఈ ఫ్యాక్టరీలో ఒక్కసారిగా మంటలు చెలరేగడంతో ఆ ప్రాంతమంతా దట్టమైన నల్లటి పొగ అలుముకుంది. ఈ ప్రమాదంపై సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. మంటలను అదుపు చేయడానికి ఫైర్ ఇంజన్లతో సహాయక చర్యలను ముమ్మరంగా కొనసాగిస్తున్నట్లు అధికారులు తెలిపారు.