కూకట్‌పల్లిలో అర్ధరాత్రి భారీ అగ్నిప్రమాదం

కూకట్‌పల్లిలోని 'ఫర్నిచర్ ఫ్యూజన్' షోరూమ్‌లో అర్ధరాత్రి వేళ భారీ అగ్నిప్రమాదం సంభవించింది. ఒక్కసారిగా మంటలు, దట్టమైన పొగలు వ్యాపించడంతో గమనించిన స్థానికులు వెంటనే అగ్నిమాపక సిబ్బందికి సమాచారం అందించారు. సమాచారం అందుకున్న ఫైర్ సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. ప్రమాద సమయంలో షోరూమ్ లోపల ఎవరూ లేకపోవడంతో తృటిలో పెద్ద ప్రాణ నష్టం తప్పిందని అధికారులు వెల్లడించారు.