సరూర్‌నగర్‌లో భారీ పేలుడు: తప్పిన పెను ప్రమాదం

హైదరాబాద్‌ సరూర్‌నగర్‌లోని బాబూనగర్‌లో రిటైర్డ్ బ్యాంక్ ఉద్యోగి దేవేందర్ ఇంట్లో భారీ పేలుడు సంభవించింది. ఈ ఘటనలో ఇల్లు పూర్తిగా ధ్వంసమైంది. ప్రమాద సమయంలో ఇంట్లో ఉన్న కుటుంబ సభ్యులు సురక్షితంగా బయటపడటంతో అంతా ఊపిరి పీల్చుకున్నారు. ఇంట్లోని గ్యాస్ సిలిండర్లు పేలకపోవడంతో పెను ప్రమాదం తప్పింది. పోలీసులు సంఘటనా స్థలానికి చేరుకుని పేలుడుకు గల కారణాలను విచారిస్తున్నారు.