దాంపత్య కలహాలు క్రూరత్వం కిందకు రావు: భర్తకు సుప్రీం ఊరట.

భార్యాభర్తల మధ్య విభేదాల వల్ల కొద్దిరోజులు మాట్లాడుకోకపోవడం సహజమని, ఇది క్రూరత్వం కాదని సుప్రీంకోర్టు స్పష్టం చేసింది. కేవలం 13 రోజులు సంభాషించలేదనే కారణంతో భర్తకు శిక్ష విధించడాన్ని తప్పుపడుతూ, గృహహింస చట్టం కింద విధించిన శిక్షను రద్దు చేసింది. వరకట్న వేధింపుల ఆరోపణలకు సరైన ఆధారాలు లేవని ధర్మాసనం పేర్కొంది. ప్రాసిక్యూషన్ వాదనలను తోసిపుచ్చుతూ, కింది కోర్టుల తీర్పులను పక్కనపెట్టి నిందితుడికి ఊరటనిచ్చింది.