మాదారం వద్ద మిషన్‌ భగీరథ పైప్‌లైన్‌ లీకేజీ

ములకలపల్లి మండలం పూసుగూడెం–మాదారం మధ్య బ్రిడ్జి వద్ద మిషన్‌ భగీరథ పైప్‌లైన్‌ స్వల్పంగా పగిలి నీరు లీకవుతోంది. లీకేజీని వెంటనే సరిచేయకపోతే పైప్‌లైన్‌ మరింత దెబ్బతిని నీటి సరఫరాకు అంతరాయం కలిగే అవకాశం ఉందని స్థానికులు ఆందోళన వ్యక్తం చేశారు. పైప్‌లైన్‌ లీకేజీతో బ్రిడ్జి నిర్మాణానికి కూడా నష్టం వాటిల్లే ప్రమాదం ఉందని వారు తెలిపారు. అధికారులు వెంటనే స్పందించి మరమ్మతులు చేపట్టాలని కోరారు.